ᑎᐊᓂᔅ ᓚᐃᐅᓪ ᓴᓇᔪᓕᕆᓂᕐᒧᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᖓ ᓴᖅᑭᑕᐅᓚᐅᖅᓯᒪᔪᖅ 2023ᒥ ᐃᖅᑲᐅᒪᔭᐅᑉᓗᓂ ᑎᐊᓂᔅ ᓚᐃᐅᓪ ᓯᕗᓕᖅᑎᐅᓂᕆᓚᐅᖅᑕᖓᓂᑦ ᓯᕗᓪᓕᖅᐹᖑᖃᑕᐅᑉᓗᓂ ᐊᑯᓂᐅᔪᒥᒃ ᑲᑎᒪᔨᐅᓚᐅᖅᑐᒥᒃ ᐊᑐᖅᑐᐊᕐᕕᒃ ᑎᒥᖁᑖᓄᑦ. ᑖᒻᓇ ᐃᓕᓐᓂᐊᕆᐊᒃᑲᓐᓂᕈᑎᒃᓴᖅ ᐃᓕᑕᖅᓯᓯᒪᓯᓐᓈᖅᑐᖅ ᑎᐊᓂᔅ ᐃᓅᓯᓕᒫᒥᓂᒃ ᐱᓕᕆᓯᒪᓂᖓᓂᒃ ᐊᒻᒪᓗ ᐃᓚᐅᖃᑦᑕᖅᓯᒪᓂᕆᔭᖓᓂᒃ ᓇᖕᒥᓂᓕᕆᓂᕐᒧᑦ ᐊᒻᒪᓗ ᓇᖕᒥᓂᖃᕐᓂᕐᒥᒃ, ᐊᒻᒪᓗ ᐊᔾᔨᒌᙱᑦᑐᓂᑦ ᐃᑲᔪᖃᑦᑕᖅᓯᒪᔭᖏᑦ ᐃᓂᓪᓚᒃᑎᕆᓂᕐᒥᒃ ᓄᓇᕗᒥ ᐱᕙᓪᓕᐊᔾᔪᑎᒃᓴᓂ. ᐃᖅᑲᐅᒪᔪᒪᑉᓗᒍ ᑎᐊᓂᔅ ᐱᐅᔪᒃᑯᑦ ᐊᒃᑐᐃᓯᒪᓂᕆᔭᖓᑦ ᐊᒻᒪᓗ ᐃᓚᐅᓂᕆᖃᑦᑕᖅᑕᖏᑦ, ᖁᕕᐊᓱᒃᖢᑕ ᐊᕙᒃᑯᑎᖃᖅᐳᒍᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᓂ ᐃᓕᓐᓂᐊᖅᑐᓄᑦ ᓯᓚᑦᑐᖅᓴᕐᕕᖕᓄᑦ ᐃᓕᓐᓂᐊᕐᓂᐊᖅᑐᓂᒃ ᓴᓇᔪᓕᕆᔨᐅᓂᕐᒨᖓᔪᓂᒃ.
ᐃᓕᓐᓂᐊᕆᐊᒃᑲᓐᓂᕈᑎᒃᓴᑦ
ᐊᑐᖅᑐᐊᕐᕕᒃ ᑎᒥᖓᑕ ᑎᐊᓂᔅ ᓚᐅᐃᓪ ᓴᓇᔪᓕᕆᓂᕐᒧᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᖓᓄᑦ ᓂᕈᐊᖅᖠᕐᓂᕐᒧᑦ ᑲᑎᒪᔨᕋᓛᖏᑦ ᑐᓂᓯᓂᐊᖅᑐᑦ ᐊᑕᐅᓯᕐᒥᒃ ᐃᓕᓐᓂᐊᕆᐊᒃᑲᓐᓂᕈᑎᒃᓴᒥ ᐊᑭᖃᖅᑐᒥᒃ $5,000ᑖᓚᓂ ᐃᓕᓐᓂᐊᖅᑎᒧᑦ ᐃᓕᓐᓂᐊᖅᑐᒧᑦ ᓴᓇᔪᓕᕆᔨᐅᓂᕐᒧᑦ, ᓯᓚᑦᑐᖅᓴᕐᕕᖕᒥᓗ ᐊᑎᓕᐅᖅᓯᒪᒋᐊᓕᒃ ᐊᕐᕌᒍᑕᒫᑦ
ᒪᓕᒐᑦ
- ᑐᒃᓯᕋᖅᑐᖅ ᐃᓅᓗᓂ ᐊᑎᓕᐅᖅᓯᒪᓗᓂ ᓄᓇᕗᑦ ᐊᖏᕈᑎᖓᓂ.
- ᑐᒃᓯᕋᖅᑐᖅ ᐃᑎᓕᐅᖅᓯᒪᓗ ᓯᓚᑦᑐᖅᓴᕐᕕᖕᒥ ᓴᓇᔪᓕᕆᔨᐅᓂᕐᒧᑦ ᐃᓕᓐᓂᐊᕐᓂᕐᒥᒃ.
- ᑐᒃᓯᕋᖅᑐᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᓂᒃ ᐊᑕᐅᓯᐊᑐᐃᓐᓇᖅ ᑐᓂᔭᐅᓂᐊᖅᑐᑦ.
- ᑐᒃᓯᕋᐅᑎᑦ ᑐᓂᔭᐅᓯᒪᔭᕆᐊᓕᒃ ᐅᑉᓗᖅ ᒪᑐᕝᕕᒃᓴᖓ ᑎᑭᓚᐅᖅᑎᓐᓇᒍ.
ᑐᒃᓯᕋᐅᑏᑦ ᐅᑯᓂᖓ ᐃᓗᓕᖃᕆᐊᓕᒃ
- ᑐᒃᓯᕋᐅᑎ ᑕᑕᑎᖅᓯᒪᑦᓯᐊᕐᓗᓂ.
- 500ᓂ-ᐅᖃᐅᓯᓕᖕᒥᒃ ᑎᑎᕋᕐᓗᑎᒃ ᐅᓂᒃᑳᕐᓗᑎᑦ ᓲᖅ ᑖᓐᓇ ᐃᓕᓐᓂᐊᕐᓂᐊᖅᑕᐃᑦ ᓂᕈᐊᓚᐅᕐᒪᖔᕐᓃᑦ, ᐊᒻᒪᓗ ᐃᓕᓐᓂᐊᕌᓂᒃᑯᕕᑦ ᓱᓇᒥᒃ ᐱᓕᕆᐊᒃᓴᖃᕈᒪᓂᐊᕐᓂᖅ ᐃᓕᓐᓂᐊᕐᓃᑦ ᐱᐊᓂᒃᓯᒪᓕᖅᐸᑦ, ᐊᒻᒪᓗ ᖃᓄᖅ ᓄᓇᕗᑦ/ᓄᓇᕗᒥᐅᑦ ᐃᑲᔪᖅᑕᐅᒐᔭᕐᒪᖔᑖᒃ ᐃᓕᓐᓂᐊᖅᓯᒪᔭᕐᓂᑦ
- ᓱᓕᔪᒥᒃ ᓇᓗᓇᐃᔭᐅᑎᒥᒃ ᑐᓂᓯᓂᖅ ᐃᓕᓐᓂᐊᕐᓂᐊᕐᓂᕐᓄᑦ
ᑐᓂᓯᓂᖅ ᑐᒃᓯᕋᐅᑎᖕᓂᑦ
ᑐᒃᓯᕋᐅᑏᑦ ᓇᒃᓯᐅᔾᔨᔪᓐᓇᖅᑕᐃᑦ ᐃᕐᖐᓐᓈᕈᑎᒃᑯᑦ/ᖃᕆᓴᐅᔭᒃᑯᑦ (ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᑕᑕᑎᖅᓯᒪᓗᑎᑦ ᐅᕙᓂ ᓇᕿᕆᐊᓕᖕᒥᑦ www.atuqtuarvik.com) ᑐᕌᖅᑎᓪᓗᒍ:
ᐊᑐᖅᑐᐊᕐᕕᒃ ᑎᒥᖓᑕ ᐃᓕᓐᓂᐊᕆᐊᒃᑲᓐᓂᕈᑎᒃᓴᓕᕆᓂᕐᒧᑦ ᑲᑎᒪᔨᕋᓛᖏᑦ
102-61 ᑐᐱᕐᕕᒃ ᐊᖅᑯᑖᓂ
ᑎᑎᖅᑲᐅᓯᕝᕕᖓ 900
ᑲᖏᖅᖠᓂᖅ, ᓄᓇᕗᑦ
X0C 0G0
ᐊᑭᖃᙱᑦᑐᖅ: 1-888-645-5901
ᐅᖃᓘᑖ: 867-645-5900
ᐃᕐᖐᓐᓈᕈᑖ/ᖃᕆᑕᐅᔭᒃᑰᕈᑖ: contact@atuqtuarvik.com
ᐃᓕᓐᓂᐊᕆᐊᒃᑲᓐᓂᕈᑎᒃᓴᖅᑖᕋᓱᖕᓂᕐᒥᒃ ᑕᑕᑎᖅᓯᖃᑦᑕᕐᓂᖅ ᑭᒡᓕᖃᕐᓂᐊᖅᑐᖅ ᐊᒃᑑᕙ 27, 2023ᒥ ᖃᐅᔨᓴᐅᑦ 5:00ᒧᐊᖅᐸᑦ ᑭᕙᓪᓕᐅᑉ ᖃᐅᔨᓴᐅᑖ ᒪᓕᒡᓗᒍ..
