Katimayiingit Atuqtuarvik Havakviat aliahuktut ilitugipkalikmahi una Rod Hick, havaktiulikmat Atanguyangukhuni Aturahuagutihaniklu Niuikiviitlu.
Atuqtuarvik Havakviat atukikviklu maniliurutihanik ikayuktiublutiklu havakvik iliugakpaktan Nunavut Tunngavik Timingit (NTI) ukuatlu Nunavut Manikkut Tutkumaviitlu ikayurumaramikit Inuinainun manilikiyutihainik. Ukuat Havakviat atukiktipkaivaktutlu manikut ikayukhutiklu Inuinainun nanminikaktunun ikayukpaktut audlarutihainiklu, manilikutihaitikut makpirakut havakhainiklu angiliyumiutihainiklun. Atuqtuarvik Havakviat ikayukpaktait Inuinait nanminikakviit tautuknaktut nakuyunik atanguyakaktunik, ikayukpaktunun Inuinainunlu akilifarutihaniktauk manilikikvikmin pinagiakaktaitlu akilifarutihainun Atuqtuarvik Havakviat.
Rod Hick, Atanguya, Aturahuagutihaniklu Niuikiviitlu
Havakataukmat, Una Rod ikayuktiuvaktuk ukautivakhunilu Hivuliuktimunlu CEO -munlu Katimayiinginunlu ukunani havaktiuvaktuk:
- Aturahuarutihanun/ nanminikaktunun upalungaiyautihainiklu havakhiimakhuni uktutainiklu;
- Tuhaajutihamilu naunaitkutihanik atanguyaublunilu;
- Manilikutihakkutlu titiralikiutni atanguyauvakhunilu; uvalu
- Havaktuliqiyikkunilu havakvikni audlaviihainik havaktiuvakhunilu.
Havaliktinaru Atuqtuarvik Havakviani, una Rod havakpakturaluak Nunavunmi Iliugaiyiini Ilihakvikmi Katimayiini havaktiuvakhuni Havaktuliqiyikkuni Ayuitiaktumik Havaktiuvaktuk Kangiqsliniqmi. Munarivaktait ikayutihanik havaktihanik Inuit Havakviinilu Iglukpakyuanginilu Inuit Tamainun kavamatkuni havaniktipkainahuakhurit tamaini havakvikni havaktuliqiyikkuni tatatumaktut havakviit tamainik. |
