Atuqtuarvik Corporation okoa Kangikhinikmiotat, Nunavutmi, manikhainik amigaikpaaliliktot sekogtonot Nunavutmi ona Sekogtot Manikakvikhat Kablonangogitot Inulgameet (FAAY), Kanata otokatokat sekogtot ekayuktikhait manikhaitlo Kablonangogitot inulgamiit.
Eliogakhimayut ovani 1994, FAAY tonihitaktot aktigiomik $1,000,000 avakomayut okoat 720 Kablonangogitot sekogtot tamaini sekogtot.
“Hamna sekogotikhak manikakvik atoktok inuit elittomayut atogakhat sekogomayut, oktogomayut ovalo elikomik koviaholakotikha6 inulgamiit Inuit. Atuqtuarvik Corporation ekayuktot manitigut ehoakotaoniaktot ovalo ovagut aghot inuknik sekokoivakkapta ayoitokhanik inuknik Nunavutmi”, okaktok John Hickes, Ighivaotalik.
“Ekayuktot FAAY ehoaktok okoa Atuqtuarvik Corporation maniit atottiagomik hivonikmot Nunvutmi inulgamiknot ehoakhitiniaktok,” okaktok Ken Toner, Hivoliokti ova CEO. “Hamna ekayuknik nakohitiniaktok ovaptingnot Corporation ekayukhogit elihaktot ovalo sekogtokhat kengolivut inuit Nunavutmi holioktikhat, ovalo okoalo inuit havakatigimayavut.”
Ona amigaikpaliayutigumi maniit omanga Atuqtuarvik Corporation atoktitiniaktot FAAY ematot hitamat sekogotikhat aktigiok $2500 okiotoak elihakyoagiaktoktokhat sekogtot ovalo eegoyut manikhat aktigiok $750 okiotoak toniyaovaktokhat sekogtonot aipainot ovani malgok okiokni. Tamaita toniyaonaktot sekogtonot elihatiaktoktot nunatakhimayut ovani Nunavut Nunataagotini Angigotini. Sekogotikhat maniitnik toniyaoyut kanogitonik elihaktokhat elihaotinik elihakvikyoani kablonakaknini Kanatami. Maniknik toniyaoyut sekogomayut Nunavutmi Elihakpalikvinni Sekogvikni.
“Atuqtuarvik Corporation ehomatigut ehomapkaiyut ovanga pitkoyatka allatlo Kablonangogitot nanminikaktot maliktakhait,” okaktok Jocelyne Soulodre, Hivoliokti ova CEO ovani Kanatami Katimayiit okononga Kablonangogitot Nanminikaknit (CCAB). “Tabkoat hivoliit Nunavutmi-nunakaktot nanminikakviit tonihiokhatlo okononga FAAY – Okoa avaliitot Kablonangogitot havakviit kailotik ovalo ekayukoyaoyut maniktigutlo. Ematot Kablonangogitot nanminikakviit angigliliktot ovalo manilioliktotlo, ovagut pikatigiomayavut Atuqtuarvik Corporation ovalo allat manitigut ekayuktot hivonikmot ehoakotikhanik nunaptingni.”
CCAB ona Kanatami hivolioyut katiayiit sekokoivakhotik elaotkoiyut okononga Kablonangogitonot Kanatami maniliolokaktot.
Atuqtuarvik Corporation ona manikakvik atoktokhat ovalo atokikvikhak eliogaktaohimayuk okonanit Nunavut Tunngavik Incorporated okoalo Nunavut Trust ekayukhotik pitkoyait Inuit elaotkovlogit maniliogotikhani. Okoa Corporation atoktitivakniaktot maniknik ovalo maniknik atoktitilotik okononga Inuit-nanminikaktonik nanminilioktit aolavaliayutikhainik, neovgotikhainik ovalo angigliligotikhainik.
Holivaktot naonaikpalikvigilgit okoat FAAY tabkoalo CCAB oani World Wide Web ovani www.ccab.com naliak www.aboriginalbiz.com. |
